Mae deall y boblogaeth leol yn hanfodol mewn unrhyw asesiad iechyd. 2.99 miliwn yw poblogaeth Cymru ar hyn o bryd ac mae’r ffigur wedi parhau’n eithaf sefydlog yn ystod y blynyddoedd diwethaf. Fodd bynnag, ceir cryn amrywiaeth rhwng oed, tras a symudedd ar lefel awdurdod lleol gan olygu bod hynny’n effeithio ar gynllunio a darparu gwasanaethau cyhoeddus ledled Cymru.Yn ystod y deng mlynedd ar hugain ddiwethaf, mae poblogaeth Cymru wedi cynyddu o 2.73 miliwn ym 1971 i 2.99 miliwn yn 2008. Bu’r cynnydd mwyaf amlwg yn ystod y blynyddoedd diwethaf yn sgil y mewnfudo o weddill y DU (LlCC, 2007). Fodd bynnag, ceir cryn amrywiaeth gan fod poblogaethau rhai awdurdodau lleol yn gostwng oherwydd cyfraddau genedigaeth isel a nifer y bobl ifanc sy’n symud o’u hardaloedd.
Yn 2009, fe baratôdd Arsyllfa Iechyd Cyhoeddus Cymru Broffiliau Demograffeg fel y cyntaf mewn cyfres o gynnyrch i fyrddau iechyd. Mae’r proffiliau yn ceisio rhoi gwybodaeth i fyrddau iechyd am y boblogaeth sydd o dan eu gofal a bod yn adnodd sy’n cynorthwyo eu gweithgareddau cynllunio.
I weld amcangyfrifon poblogaeth canol blwyddyn ac ystadegau am hanfodion newid mewn poblogaeth (genedigaeth, marwolaeth, mudo), dilynwch y ddolen i StatsCymru
Cyfeiriadau
Llywodraeth y Cynulliad (2007) Poblogaeth Cymru – Trosolwg demograffeg 1971-2005. Caerdydd: LlCC.
