Amcanion y Prosiect
- Mapio’r Safonau Galwedigaethol Cenedlaethol ar gyfer Ymarfer Iechyd y Cyhoedd o ran rôl pob grwp nyrsio a bydwragedd.
- Adolygu’r cwricwla ar gyfer hyfforddiant cyn cofrestru ac ôl-gofrestredig mewn perthynas â’r safonau hyn.
- Nodi bylchau o ran gwybodaeth a sgiliau ym maes iechyd y cyhoedd ar gyfer y grwpiau nyrsio a’r bydwragedd hyn.
- Gweithio gyda rhanddeiliaid perthnasol i nodi gofynion addysg a hyfforddiant yn y dyfodol a gwneud argymhellion.
Casglwyd gwybodaeth am swyddogaethau a hyfforddiant presennol ar gyfer bydwragedd, ymwelwyr iechyd, nyrsys ysgol, nyrsys cymunedol a nyrsys practis. Cafodd y wybodaeth hon ei chyfateb â’r Safonau Galwedigaethol Cenedlaethol ar gyfer Ymarfer Iechyd y Cyhoedd.
Casglwyd gwybodaeth am hyfforddiant cyffredinol cyfredol (cyn cofrestru ac ôl-gofrestredig), drwy brosbectws cyrsiau a chysylltiadau gyda swyddogion arweiniol yn y sector addysg uwch.
Nododd y prosiect fylchau mewn gwybodaeth a sgiliau, y bylchau o ran yr hyfforddiant sydd ar gael ar hyn o bryd ac mae’n gwneud argymhellion ar gyfer addysg a hyfforddiant yn y dyfodol.
I gael copi o'r adroddiad llawn, neu i gael rhagor o wybodaeth, cysylltwch â Kelly Mason
