Dydd Mercher, 4 Ionawr 2012
Gwahoddir papurau ar gyfer Cynhadledd Diogelu Iechyd y Pum Gwlad eleni, sy’n cael ei chynnal yn Iwerddon.
Cynhelir y gynhadledd flynyddol mewn partneriaeth rhwng Iechyd Cyhoeddus Cymru, yr Asiantaeth Diogelu Iechyd, Health Protection Scotland, Asiantaeth Diogelu Iechyd Gogledd Iwerddon, Canolfan Arolygu Diogelu Iechyd Gweriniaeth Iwerddon a Grŵp Amgylcheddol Meddygaeth Iechyd Cyhoeddus.
Caiff ei threfnu gan wlad wahanol bob blwyddyn ac eleni caiff ei chynnal yng Ngwesty Europa, Belfast, rhwng dydd Mawrth 1 Mai a Dydd Mercher 2 Mai.
Nod cynhadledd y Pum Gwlad yw rhoi ffocws ar ddatblygiad proffesiynol parhaus i ymgynghorwyr rheoli clefydau trosglwyddadwy ac arbenigwyr mewn meddygaeth iechyd cyhoeddus a’u cydweithwyr ym meysydd epidemioleg a rheoli clefydau heintus a chlefydau nad ydynt yn heintus a pheryglon amgylcheddol.
Bydd y gynhadledd yn mynd i’r afael â materion iechyd cyhoeddus pwysig sydd wedi codi ers y cyfarfod diwethaf ac yn edrych o’r newydd ar feysydd sefydledig rheoli ac atal clefydau.
Gwahoddir papurau ar gyfer y gynhadledd a dylid eu cyflwyno erbyn dydd Sul 12 Chwefror drwy wefan y gynhadledd yn www.5nations.com
Gwahoddir cyflwyniadau ar bynciau yn cynnwys heintiau sy’n gysylltiedig â gofal iechyd, arolygu, achosion o glefydau, heintiau a geir drwy deithio, iechyd rhywiol a phynciau llosg.
Bydd sesiynau posteri hefyd yn cael eu cynnal ar y ddau ddiwrnod.
Ffynhonnell:
Iechyd Cyhoeddus Cymru
