Strategaeth ar Iechyd, Gofal Cymdeithasol a Lles 2011-14

Mae’r Bartneriaeth dros Iechyd, Gofal Cymdeithasol a Lles (IGCaLl / HSCWB) yn Rhondda Cynon Taf (sy’n cynnwys Bwrdd Iechyd Cwm Taf, Cyngor Bwrdeistref RhCT a chynrychiolwyr o’r Trydydd Sector a grwpiau cymunedol) yn cynnal ymgynghoriadau ar y Strategaeth IGCaLl newydd. Carem glywed eich sylwadau chi amdani. Ydyn ni’n canolbwyntio ar y pethau iawn yn eich barn chi, neu ydych chi’n credu ein bod wedi anwybyddu problemau pwysig?

 

Cynllun tair blynedd i RhCT yw’r Strategaeth ar Iechyd, Gofal Cymdeithasol a Lles, a fydd mewn grym trwy’r cyfnod 2011-2014. Mae’n egluro sut byddwn ni’n gweithredu gwelliannau yn iechyd a lles poblogaeth ein hardal. Dyma ein trydedd strategaeth, sy’n adeiladu ar sail ein cyd-lwyddiannau ers 2005.

 

Nid dim ond mater o drin a gofalu am bobl sy’n sâl mo’r Strategaeth, er bod hon yn elfen bwysig wrth gwrs. Mae’n anelu hefyd at gadw pawb yn heini ac yn annibynnol, gan helpu pobl i fyw bywyd i’r eithaf. Mae’n ystyried ystod eang o ffactorau sy’n dylanwadu ar iechyd a lles pobl gan gynnwys swyddi, cartrefi a chludiant, yn ogystal ag anghenion grwpiau penodol megis pobl hŷn a phobl sy’n dioddef problemau iechyd meddwl.

 

Mae’r Strategaeth ddrafft ar-lein i’w darllen, ynghyd â holiadur lle gallwch chi fynegi eich syniadau a’ch sylwadau. Cewch chi e-bostio eich ateb i deb.griffiths@wales.nhs.uk neu bostio copi papur ohono at:

 Bwrdd Iechyd Cwm Taf

RHADBOST RRBH-TBTT-SBRT

Tŷ Ynysmeurig

Parc y Navigation

Abercynon CF45 4SN     

 

Fe gynhelir yr ymgynghoriadau o’r 30^ain o Ragfyr 2010 tan y 25^ain o Fawrth 2011. Bydd nifer o gyfarfodydd cyhoeddus a digwyddiadau eraill yn ystod y misoedd nesaf, lle gallwch chi ddysgu rhagor.

 

I gael rhagor o fanylion galwch y Tîm Iechyd a Lles ar 01443 744800 neu anfonwch e-bost i deb.griffiths@wales.nhs.uk