Dydd Mercher, 8 Awst 2012
Bwrdd Iechyd Prifysgol Betsi Cadwaladr yn ymuno â rhaglen genedlaethol i hyrwyddo cydraddoldeb hoyw i staff
Bwrdd Iechyd Prifysgol Betsi Cadwaladr yw’r Bwrdd Iechyd diweddaraf i ymuno â rhaglen Hyrwyddwyr Amrywiaeth Stonewall, sy’n hyrwyddo a datblygu arfer da i gyflogwyr. Mae’r rhaglen – sy’n cael ei rhedeg gan yr elusen cydraddoldeb hoyw – yn hyrwyddo amgylchedd gweithio da i’r holl weithwyr presennol a staff posibl ac mae’n ymrwymo aelodau i sicrhau triniaeth gyfartal i weithwyr lesbiaidd, hoyw a deurywiol.
Mae’r Bwrdd Iechyd yn ymuno â sefydliadau iechyd eraill megis Bwrdd Iechyd Prifysgol Caerdydd a’r Fro, Bwrdd Iechyd Hywel Dda ac Ymddiriedolaeth Ambiwlans Cymru ar y rhaglen, sydd bellach yn cynnwys dros 600 o’r prif gyflogwyr, ac sy’n amrywio o Chwaraeon Cymru, Heddlu Gogledd Cymru i Lywodraeth Cymru.
‘Drwy gefnogi a datblygu ein staff lesbiaidd, hoyw a deurywiol drwy’r rhaglen Hyrwyddwyr Amrywiaeth, rydym yn anfon neges gref at ein staff presennol a staff posibl yn ogystal â’r gymuned ehangach,’ dywed Martin Jones, Cyfarwyddwr Gweithredol y Gweithlu a Datblygiad Sefydliadol ym Mwrdd Iechyd Prifysgol Betsi Cadwaladr. ‘Rydym yn falch o gael ymuno â’r rhaglen ac edrychwn ymlaen at gael datblygu ein gwaith ynghylch tueddfryd rhywiol.’
Ffynhonnell:
Bwrdd Iechyd Prifysgol Betsi Cadwaladr