Y Canllaw Gwella Ansawdd: Mesur a Dibynadwyedd

1 Penderfynu ar y nod

2 Dewis mesurau

3 Diffinio mesurau

4 Casglu data

5 Dadansoddi a chyflwyno

6 Adolygu’r mesurau

7 Ailadrodd camau 4-6

 

Bydd y cylch casglu-dadansoddi-adolygu cyntaf yn darparu ‘llinell sylfaen’ o berfformiad cyfredol (y man cychwyn). Os byddwch yn casglu gwybodaeth tua 20 i 25 o weithiau ac yn nodi’r canlyniadau ar siart, bydd hyn yn darparu’r nifer delfrydol o bwyntiau i greu llinell sylfaen neu i nodi tuedd. Un ffordd o gael rhagor o bwyntiau yw mesur yn amlach.

 

Yn aml nid yw’r wybodaeth sydd ei hangen arnoch yn cael ei chasglu. Felly, dechreuwch gasglu eich gwybodaeth ar unwaith. Ond  nid oes rhaid i ni aros cyn dechrau gwneud newidiadau  bach. Ni fyddant yn effeithio ar y sefyllfa gyffredinol o ran creu’r llinell sylfaen.

Mae defnyddio ‘siartiau dilyniant’ yn ffordd syml o helpu i ddadansoddi gwybodaeth, a bydd siart rheoli proses ystadegol yn eich helpu i edrych ar eich gwybodaeth a deall unrhyw amrywiad yn y broses yr ydych am wneud gwelliannau iddi. Mae ‘plotio’r pwyntiau’ hefyd yn effeithiol iawn oherwydd mae’n eich helpu i weld y tueddiadau a’r patrymau.

 

Pa mor aml y mesurir - ac yn aml mesurir yn wythnosol yma - yw’r ffactor sy’n gwneud gwahaniaeth mawr rhwng mesur er mwyn gwneud gwelliannau a ffurfiau mwy traddodiadol o fesur.

 

Yn draddodiadol, caiff y ffigurau eu hunioni er mwyn amlygu’r ‘duedd sylfaenol’ drwy edrych ar gyfartaledd y cyfnod. Mae problem yn codi pan gymerir y cyfartaledd blaenorol gyda’r cyfartaledd presennol er mwyn gweld a fu gwelliant. Mae cymharu dau rif gan wybod y bydd un yn fwy na’r llall yn rhoi siawns o 50% y bydd y canlyniad yn well (neu’n waeth)! Mewn gwrthgyferbyniad â hynny, mae rheolau’n gysylltiedig â siartiau dilyniant a siartiau rheoli proses ystadegol sy’n rhoi hyder i rywun pan welir newid ei fod yn newid go iawn.

 

Yn olaf, mae cam 6 yn ein hatgoffa ei bod yn hollbwysig neilltuo amser i edrych ar yr hyn y mae’r mesurau’n ei ddweud wrthym. Mae pa mor aml y caiff y wybodaeth ei chasglu, ei dadansoddi a’i hadolygu yn pennu’r cyflymder ar gyfer cyflwyno newid.

 

Pan fyddwn yn anelu at wella ansawdd, mae’n bwysig bod y broses fesur yn deg ac agored. Fodd bynnag, os yw pobl yn credu y bydd eu mesur yn cael ei ddefnyddio i’w beirniadu, yna byddant yn amharod i gasglu gwybodaeth.

 

Mae tri phrif reswm dros gasglu gwybodaeth:

Mae ffigur 3 yn dangos sut y bydd y ffordd o fesur pethau yn newid, yn dibynnu ar gyfer beth y defnyddir y mesur. (Solberg et al, 1997 wedi’i addasu)

 

 

Mae mesurau cyson hefyd yn ein galluogi i gyfrifo dibynadwyedd: sawl gwaith y gwnaethon ni’r hyn a fwriadwyd fel cyfran o gyfanswm y cynigion? Er enghraifft, os oes gennym brotocol ar gyfer sgrinio pob claf a dderbynnir i’r ysbyty, pa gyfran a sgriniwyd o blith y cyfanswm? Pan fyddwn yn ceisio gwneud dau beth mewn proses, mae dibynadwyedd yn mynd anos. Pa gyfran o’r rhai a sgriniwyd a gafodd yr ymyriad dilynol? Os yw’r ddau gam 80% yn ddibynadwy, yna 64% yw dibynadwyedd y broses (80% o 80%).

 

Yn nodweddiadol, pan fyddwn yn mesur dibynadwyedd am y tro cyntaf, mae’r canlyniadau’n siomedig. Mae 80% yn nodweddiadol ar gyfer un cam: llai na 50% ar gyfer bwndeli o gamau lle mae cyswllt rhwng pedwar cam neu fwy.

 

Yn aml mae’n bosibl cyrraedd dibynadwyedd o 95% ar gyfer camau unigol drwy roi hyfforddiant, cymhorthion cof a nodiadau atgoffa awtomatig er enghraifft i weithredwyr sy’n fodau dynol. Os oes angen cyfran uwch o ddibynadwyedd neu os nad yw’r newidiadau hyn yn sicrhau dibynadwyedd o 95%, mae angen ailgynllunio’r system ei hun. Dylunio yw’r offeryn gorau ar gyfrer sicrhau dibynadwyedd.