Llawlyfr Patholeg Cymru

Mae Llawlyfr Patholeg Cymru (WPH) yn wasanaeth gwybodaeth.

Mae’n darparu catalogau cenedlaethol a lleol o brofion y gellir gwneud cais amdanynt, rheolau ac arweiniad ar gyfer gwneud ceisiadau’n electronig (trwy Porthol Clinigol Cymru a systemau meddygon teulu) ac adnodd gwybodaeth ar y we ar gyfer yr holl staff clinigol.

Mae cyflwyno System Rheoli Gwybodaeth Labordai (LIMS) genedlaethol newydd ar gyfer Cymru yn golygu bod angen adolygu a diweddaru’r WPH gweithredol er mwyn sicrhau ei fod yn addas at y diben yn amgylchedd y dyfodol.

Cynhaliwyd Gweithdy ar Lawlyfr Patholeg Cymru yn 2010, i ymgysylltu â chynrychiolwyr priodol o Wasanaethau Patholeg ledled Cymru.

 

Roedd nifer o bobl yn bresennol yn y gweithdy ac mae adborth yn dangos bod gwell dealltwriaeth erbyn hyn o’r llawlyfr presennol, ei berthynas â gwneud ceisiadau electronig am brofion patholeg a’r gwaith sydd angen ei wneud er mwyn sicrhau ei fod yn parhau’n addas at y diben wrth i’r LIMS newydd gael ei ffurfweddu a’i weithredu ledled Cymru.  

Adolygodd y gweithdy ofynion swyddogaethol yr WPH presennol i amlygu ble mae safoni ledled Cymru yn briodol.

 

Sefydlwyd gweithgorau hefyd i nodi gofynion manwl ar gyfer newidiadau cymeradwy a rhoi trefniadau rheoli gwasanaeth priodol ar waith ar gyfer yr WPH presennol. 

Yr amcanion nesaf yw gweithredu newidiadau cymeradwy a threfniadau rheoli gwasanaeth ar gyfer yr WPH presennol.