Bydd cleifion yn gallu cymryd mwy o ran yn eu gofal iechyd eu hunain trwy’r rhyngrwyd, mewn ffordd debyg i siopa neu fancio ar-lein.
Bydd Fy Iechyd Ar-lein yn rhoi cyfle i gleifion
- wneud apwyntiadau gyda’u meddyg teulu
- archebu presgripsiynau amlroddadwy
- diweddaru eu manylion cyffredinol, fel newid cyfeiriad
o’u cyfrifiadur gartref.
Yn y dyfodol, efallai y bydd nodweddion sy’n canolbwyntio ar hunan ofalu hefyd yn cael eu datblygu i gynnwys rhybuddion, mynediad at gofnod meddygol y claf ei hun, a dolenni at gynnwys iechyd wedi’i bersonoli.
Mae manteision gwasanaethau ar-lein yn cynnwys:
- Peidio â gorfod aros ar y ffôn i fynd trwodd at y feddygfa
- Mynediad cyfleus at wasanaethau meddygon teulu o gartref neu’r gwaith - neu unrhyw le sydd â mynediad at y rhyngrwyd
- Llai o waith gweinyddol i’r feddygfa
Sut gallaf ei gael?
Mae angen i chi alw heibio eich meddygfa teulu a chofrestru. Bydd eich meddyg teulu yn rhoi llythyr cofrestru i chi, a bydd angen i chi fod â phrawf o bwy ydych chi gyda chi er mwyn eu galluogi i wneud hyn.
Mynediad diogel
Mae’r holl wybodaeth bersonol ar Fy Iechyd Ar-lein wedi cael ei diogelu gan ddefnyddio’r safonau uchaf o ddiogelwch ar y rhyngrwyd.
Beth fydd ffurf cynllun Fy Iechyd Ar-lein?
Mae cynllun Fy Iechyd Ar-lein yn cael ei lywio gan safbwyntiau cleifion a chlinigwyr. Mae eu hargymhellion yn cael eu defnyddio i ddatblygu swyddogaethau a golwg y borthol we.
Ble mae e nawr?
Mewn 254 o feddygfeydd ar draws Cymru. Mae dros 18,000 o gleifion wedi cofrestru.
