Mae’r gwasanaeth cymorth sgrinio bob amser wedi cael ei gydnabod yn eang fel un o’r gorau yn y wlad, nid yn unig gan y rheiny sy’n derbyn gwasanaethau, ond hefyd gan sefydliadau cymorth yn Lloegr.
System Sgrinio Coluddion
Defnyddir y System Rheoli Gwybodaeth Sgrinio Coluddion (BSIMS) i reoli a gwahodd pobl sy’n gymwys ar gyfer sgrinio coluddion, i olrhain eu hymateb i’r gwahoddiad, a chadw cofnod o ganlyniadau’r prawf sgrinio.
Fe’i datblygwyd yn wreidddiol ar gyfer Sgrinio Coluddion Cymru yn 2008, ac mae ei llwyddiant wedi arwain at Gogledd Iwerddon yn ei mabwysiadu i gynnal ei raglen sgrinio coluddion.
Canser y coluddyn yw’r clefyd sy’n lladd y trydydd nifer fwyaf o ddynion a menywod yng Nghymru. Mae sgrinio coluddion yn datgelu canser y coluddyn yn gynnar, yn aml pan nad oes unrhyw symptomau, a phan mae triniaeth yn fwyaf effeithiol.
System Sgrinio’r Fron
Mae system Sgrinio’r Fron yn cael ei chynnal a’i datblygu gan NWIS, yn seiliedig ar system gan gyflenwr cenedlaethol y DU, sef Temenos. Defnyddir y system gan Bron Brawf Cymru, rhaglen sgrinio Cymru i wahodd menywod rhwng 50 a 70 blwydd oed yn awtomatig, gyda’r nod o gyflawni prawf sgrinio pob 3 blynedd.
Modiwl Sgrinio Sytoleg Serfigol
Rydym yn cynnal ac yn datblygu’r modiwl Sgrinio Serfigol yn lleol ar y system ‘NHAIS -Exeter’ DU eang a ddefnyddir gan bob sefydliad Gofal Sylfaenol yn Lloegr a Gwasanaethau Sgrinio yng Nghymru.
Y grŵp oedran targed ar gyfer sgrinio serfigol yw menywod rhwng 20 a 64 blwydd oed.
Modiwl Sgrinio Ymlediad Aortaidd yn yr Abdomen
Wrth weithio gydag Iechyd Cyhoeddus Cymru, byddwn yn cynnwys modiwl newydd i ategu sgrinio Ymlediad Aortaidd yn yr Abdomen. Hon fydd rhaglen sgrinio gyntaf Cymru gyfan i dargedu dynion yn unig. Mae tua 8,000 o bobl yn y DU yn marw bob blwyddyn o ganlyniad i’r ymlediadau hyn, ac amcangyfrifir y gellir atal 50% o’r marwolaethau hyn trwy sgrinio o ansawdd uchel. Mae ymlediad aortaidd yn yr abdomen 6 gwaith yn fwy cyffredin ymhlith dynion na menywod.
