Help gyda chostau iechyd
Polisi cyfredol
Mae’r rhan fwyaf o driniaethau’r GIG ar gael yn rhad ac am ddim, er y gall tâl gael ei godi am rai pethau. Er enghraifft y mae'n bosibl y cewch chi gymorth gyda chost y canlynol os ydych ar incwm isel.
- Triniaeth ddeintyddol y GIG
- Profion golwg
- Sbectol a lensys cyffwrdd
- Costau teithio angenrheidiol i’r ysbyty ac oddi yno am driniaeth y GIG o dan ofal ymgynghorydd ysbyty.
Seilir yr hawl i gymorth â costau iechyd (taliadau presgripsiwn a deintyddol y GIG, costau optegol a chostau teithio i'r ysbyty) ar yr egwyddor y dylai'r sawl a all fforddio cyfrannu wneud hynny, ond y dylid gwarchod y sawl sy'n debygol o'i chael yn anodd talu.
Ceir rhestr o'r taliadau cyfredol yn HC12W 'Ffioedd a gwerth talebau optegol'.
Pwy all gael cymorth
Gall pobl gael cymorth ar sail oedran neu am resymau meddygol neu trwy fod yn derbyn un o'r budd-daliadau neu'r credydau treth sy'n eithrio.
Am ragor o wybodaeth: HC11W Help gyda chostau iechyd'.
Os ydych yn derbyn credydau treth y gallech fod yn gymwys i Tystysgrif Eithrio Credyd Treth y GIG. Cael gwybod mwy isod:
- Credyd Treth - Cwestiynau cyffredin (Saesneg yn unig)
Incwm isel?
Mae'n bosibl y gall pobl sy'n gorfod talu taliadau'r GIG gael cymorth dan Gynllun Incwm Isel y GIG. Seilir faint o gymorth a geir ar gymhariaeth rhwng incwm unigolyn a'r gofynion pan wneir hawliad neu pan dalwyd taliad. Gallwch gael rhagor o wybodaeth ar y we dudalen Awdurdod Gwasanaethau Busnes y GIG isod:
- Awdurdod Gwasanaethau Busnes y GIG (Saesneg yn unig)
Sut mae gwneud hawliad incwm isel?
Mae angen ichi lenwi ffurflen HC1 - ni ellir lawrlwytho'r ffurflen hon o'r we. Rhaid ichi gael gafael ar gopi caled. Dylai ffurflenni HC1 fod ar gael mewn swyddfeydd Nawdd Cymdeithasol ac yn ysbytai'r GIG. Efallai y bydd gan rai meddygon teulu, deintyddion ac optegwyr gopïau hefyd.
Wedi ichi lenwi'r HC1 dylech ei hanfon i'r: Health Benefits Division, Sandyford House, Newcastle upon Tyne, NE2 1DB - yn yr amlen ragdaledig a ddarperir.